Si quaeris miracula



Si quaeris miracula,
mors, error, calamitas,
daemon, lepra fugiunt,
aegri surgunt sani.

Cedunt mare, vincula,
membra resque perditas;
petunt et accipiunt
iuvenes et cani.

Pereunt pericula,
 cessat et necessitas;
narrent hii qui sentiunt,
dicant Paduani.
 
Cedunt mare, vincula,
membra resque perditas;
petunt et accipiunt
iuvenes et cani.


Gloria Patri...


Ora pro nobis, Beate Antoni,
Ut digni efficiamur promissionibus Christi.


O Lingua benedicta, quae Dominum semper benedictisti et alios benedicere fecisti: nunc manifeste apparet quanti meriti extitisti apud Deum.


Oremus.
Ecclesiam tuam, Deus, Beati Antonii Confessoris tui commemoratio votiva laetificet, ut spiritualibus semper muniatur auxiliis et gaudiis perfrui mereatur aeternis. Per Christum Dominum nostrum.
Amen.



Sandra


www.ildiariodiviaggio.it